jueves, 13 de agosto de 2020

UN ROSARIO DO PAPA FRANCISCO PARA A VIRXE DA FRANQUEIRA

 

No día 8 de agosto, Frei Martiño, da Orde Hospitalaria de San Xoán de Deus, agasallou á Nosa señora da Franqueira cun rosario do Papa Francisco.

Frei Martiño, natural de Ourense, leva case que medio século en Roma no labor farmacéutico do Vaticano. Todos coñecen a Frei Martiño na farmacia vaticana e nas demáis estancias do Papa. Desde novo está ao servizo da saúde do bispo de Roma.

Cada ano ten costume de visitar o Santuario da Franqueira na época estival. E, nesta ocasión, trouxo este rosario, acompñado coa fotografía, dunha audiencia co Santo Pai, no que como é habitual, lles da o agasallo dun rosario. O pasado día 8, día no que cada mes celebramos a Eucaristía solemne en honor da Virxe, entregou á Nosa Señora este sinxela, pero significativa ofrenda.

Damos as grazas a Frei Martiño e as nosas pregarias por el e pola Orde Hospitalaria

Xabier Alonso

No hay comentarios:

Publicar un comentario