miércoles, 28 de mayo de 2014

A MINADA. Reflexión para o mes de xuño



A MINADA



FINAL DE CURSO






Se no comezo do curso os libros, cadernos, lápices;

agora hai que engadir o material informático; estaban recen

estreados, nestes días xa están marcados polo paso de tempo,

e polo nerviosismo propio das últimas semanas, que fan

estragos en todo. Xa chega a fin e vense os resultados do

labor de todos estes meses. Xóganse as últimas cartas e “a

sorte está botada”. Agora a moitos chégalles a hora da

verdade, ou como di o refrán “o S. Martiño”. Cales son os

resultados finais?. E pensamos nas notas, ou cualificacións, crendo que todo se pode medir nun simple

número e nunha decisión final. Convido ás familias que teñen os seus cativos e xoves en idade escolar a

facer un esforzo e dedicar un tempo sereno e fructífero a dialogar sobre estas últimas semanas. Un diálogo

analizando cales foron os avances conseguidos a nivel persoal, madurez, estabilidade, na responsabilidade

no traballo, nas tarefas; a nivel comunitario, no sentido de relación cos compañeiros, co profesorado, nos

valores: solidariedade, amistade, perdón, axuda mutua, tarefas comunitarias; nun avance espiritual, poñer

ó Señor nas tarefas de cada día, facendo do traballo un lugar de “santificación, pois Cristo tamén

traballou”, a madurez interior para asimilar as dificultades e os retos, vivir as virtudes cristiás tanto

interiores como na relacións humanas: servizo, humildade, entrega, xenerosidade, etc.

Non deixemos na improvisación, ou pensando que as cousas xa se arreglarán co tempo, ou xa

madurarán porque están pasando unha mala época, ou a culpa é dos demáis, as malas compañías ou os

profes que lles teñen manía. Repito non deixemos pasar de largo o tempo. E para os pais e os avós é un

momento crucial. Os xoves están vivindo nun ambiente desmotivado, porque a sociedade así está, pois

non hai un futuro moi alentador para a xuventude. Pero tamén nun mundo competitivo, que non axuda

precisamente, a vivir os valores cristiáns. Non podemos predicar a frase de Cristo “o que queira ganar a

súa vida ten que perdela”, senón que a mensaxe social e que para ser alguén tes que gañar, ser o primeiro,

e terás un posto importante. Na casa é onde podemos dar un sentido ó que fan os rapaces cada día, e por

iso, tamén vos animo a que o fagades desde a oración, ofrecendo ó Señor a oportunidade de entregar ós

fillos algo máis que unha promesa de un agasallo por ter sacado boas notas.

Benqueridos amigos axudade ós vosos fillos e netos a ser felices, e vos seredes moi felices.

jueves, 15 de mayo de 2014

ROMARÍA DAS PASCUILLAS

Estanse a realizar os preparativos para a celebración da Gran Romaría das Pascuillas na honra da Nosa Señora da Franqueira. Neste ano van aumentar as parroquias que acudan a esta cita mariana o que supón o recoñecemento da nosa devoción filial á Nai de Deus nesta advociación singular e milenaria.
Neste ano realizará a ofrenda no nome de todos os peregrinos os "Irmáns misioneiros dos enfermos pobres". Son varias as razóns. Non son parroquia, pero levan desde hai 10 anos participando na Romaría, con moito entusiasmo e traendo un grupo de enfermos pobres ós que atenden; este ano está adicado na pastoral diocesana a vivir a caridade, polo que, os consagrados ós enfermos, ós pobres, ós traseúntes, son os que nos van a representar na ofrenda dos pobres á Virxe María. Queremos así facer presentes as accións caritativas da nosa Igrexa e , en especial, a esta comunidade que atende a 200 persoas cada día no seu fogar de Teis.
O vindeiro domingo, 18 de maio, aproveitando a presenza no santuario, da reliquia de San Xoan de Ávila, teremos, como é costume, a reunión das ocmisións organizadoras das parroquias que peregrinan nas Pascuillas.

jueves, 8 de mayo de 2014

VISITA DA RELIQUIA DE SAN XOAN DE AVILA Á FRANQUEIRA


A FRANQUEIRA

 

17 e 18 Maio 2014

 

Visita da Reliquia

de San Xoan de Ávila

 

Sábado 17

 

9,30 da mañá: Chegada da Reliquia de San Xoan de Ávila

10 da mañá: Laudes

11 da mañá: Misa e veneración da Reliquia

12 da mañá: Regina Coeli e oración polas vocacións


5,30 da tarde: Rosario vocacional

6 da tarde: Misa dominical e procesiòn coa Reliquia

 

Vixilia para xoves

8,15 da tarde: Ensaio de cantos

9,00 da noite: Vixilia de oración contemplativa  con cantos de Taizé

 

Domingo 18

 

11 da mañá: Misa dominical e procesión coa Reliquia

12 da mañá: Regina Coeli

 

4,30 da tarde: Rezo do Santo Rosario

5 da tarde: Misa dominical e veneración da Reliquia

 

miércoles, 7 de mayo de 2014

CAMPAÑA DE CARITAS INETRPARROQUIAL NOSA SRA DA FRANQUEIRA. RECOLLIDA DE ALIMENTOS


Campaña de recollida de alimentos no Cash Record de Pontereas

 

 

Os vindeiros venres e sábado, 9 e 10 de maio, "Cáritas interparroquial Nosa Señora da Franqueira" organiza unha recollida de alimentos non perecedeiros no Cash Record de Ponterareas, situado na estrada de Ribadetea.

Desde hai uns anos, un grupo de voluntarias ven de distribuir a algunhas familias da comarca, axudas puntuais de alimentos. Debido ó impacto que está a ter a crise na comarca da Paradanta, neste curso, e según o Plan Pastoral da Diocese, o Santuario da Franqueira, xunto coas parroquias de Prado da Canda e A Lamosa, veñen de formar un grupo de Cáritas interparroquial. Case unha ducia de amas de casa, entusastas e con desexo de traballar polos que máis necesitan, están a recibir a formación necesaria para constituir este organismo. Así, cada quince días, veñen os responsables de formación do voluntariado de Cáritas diocesana a impartir os temas. Próximamente contarán coa presenza dunha traballadora social.

Ó mesmo tempo están xa a realizar os traballos propios desta institución da Igrexa. Así faise unha distribución de alimentos a 12 fogares da comarca, conscientes de que posiblemente, vaia en aumento a demanda. Cada mes a distribución dos alimentos faise co que se recibe da xenerosidade dos fieis e a colaboración tres veces ó ano da Cruz vermella.

 

Feita a solicitude a Cash Record, recibiuse o apoio inmediato e a súa colaboración. Todo son facilidades para que poidamos levar este proxecto a bo porto. Durante os días, venres e sábado, estarán por turnos  as voluntarias, en horario de 9 a 13,30 e de 16,00 a 20,30.

 

Os alimentos que se reciben son imperecedeiros, como, Leite, azúcar, aceite,  fariña, conservas, pastas, galletas, cacao...

 

Nesta acción tamén se coordinaron con Cáritas Ponteareas, e para no futuro, afianzar a colaboración entre os distintos grupos da zona.

 

O grupo de cáritas interparroquia, Nosa Señora da Franqueira, con sede no Santuario do mesmo nome, pretende levar adiante moitos máis proxectos: sala de acollida, almacén, e outros espazos para actividades que están xa a programar. A colaboración de todos é moi importante e a pretensión é a de acompañas ás familias que están en perigo de pobreza da comarca.