BISPOS DE TUI 1

San Epitacio

BISPOS DE TUI 1

Ao longo desta semana imos cambiar o rexistro do que vimos de escribir sobre a figura do bispo con motivo da consagración de D. Antonio o vindeiro día 20. Veremos, de xeito moi sinxelo, as figuras senlleiras do episcopado antigo de Tui e Galicia que se atopan esculpidos na sillería da catedral tudense. .

A sillería do coro cumpre coa función de ser o lugar da pregaria do Cabido da catedral, que deben coidar do culto da igrexa nai da diocese. O coro da nosa catedral está feito sobre un máis antigo do que se gardan algunhas táboas, e foi esculpido por Castro Canseco no ano 1700. Realmente é unha xoia digna de contemplar. Nos sitiais superiores aparecen imaxes de santos a santas, a maioría do calendario da nosa diocese: San Paio, Santa Liberata e as irmás márires como Santa Mariña, Santa Eufemia. Tamén están os máis achegados a Tui como San Xián do monte Aloia, San Críspulo e San Restituto, segundo a tradición primeiros mártires de Tui, ou San Teotonio que nos une tan estreitamente con Portugal.

Temos que aclarar, antes de nada, que as igrexas antigas, co desexo de garantir a sucesión apostólica como seña de identidade e señerdade, buscan as súas orixes na predicación dos apóstolos, no noso caso, no Apóstol Santiago. 

Imos comezar hoxe cos tres primeiros bispos, que, como non podería ser doutro xeito, son declarados santos, e que non temos máis garante da súa existencia que a da tradición. Por estes motivos, na reforma litúrxica, deixaron de pertencer ao calendario diocesana, pasando so os que temos unha certeza histórica.

San Evasio

Máis como non nos disgusta furar nos tempos, contemplemos esta pezas da nosa sillería. O primeiro bispo que conta a tradición é San Epitacio. Sería a súa conversión na súa cidade de Plasencia da man de San Pedro de Rates, discípulo de Santiago e organizador da vida eclesial na Brácara Augusta. Destinado a fundar a Igrexa en Tui, Epitacio está varios anos nela ata que queda como sucesor San Evasio, pois él regresa a Plasencia, onde, según as crónicas, é o primeiro bispo e mártir na persecución de Nerón no ano 90.

San Ovidio

San Evasio, segundo bispo, seía discípulo de Santiago e quen viaxou con el de volta a Xerusalén, e que posteriormente trería o seu corpo de volta a Galicia.

O terceiro en ocupar a cátedra tudense, segundo a tradición, sería San Ovidio. Del dise que foi enviado polo papa Clemente e que gobernou conxuntamente as dioceses de Tui e Braga.

Santo Toribio

Permitirme un bispo máis, Santo Toribio de Lébana, que curiosamente tamén está relacionado coa nosa diocese. Nado en Astorga viaxa a Xerusalén, Recibe as reliquias da Santa Cruz e volve, instalándose na súa terra e levantando un mosteiro para custodiar os preciados agasallos. Está representado cunhas brasas no colo referente a unha falsa asusación na que se defende cun milagre de que non lle queima a roupa. En Liébana funda un mosteiro, e alí morre no 456. A relación con Tui ven dada porque se pon como bispo da nosa Igrexa sucedendo a un tal Ceponio na época sueva. Toribio será un defesor da fe contra o priscilianismo.

mañá seguimos con outras curiosidades