1.- Hoxe celebramos a festividade de Santa Marta, irmá de Lázaro e María, amiga do Señor. A muller hospitalaria que está atenta ás necesidades do peregrino que pide hospedaxe na súa casa. Betania, fogar destes bos irmáns, é sinal de acollida, amizade e vida. Acoller ao Señor é abrirse a el, escoitalo e seguilo ata a cruz. Amizade é chegar ata o corazón, intimar, dialogar e presentar as inquedanzas. Vivir é acoller a vida, a da que vence a morte, a que se enfrenta a días na sepultura para levarnos a un novo proxecto.
2.- Hoxe recibirán a Confirmación un grupo de mozos e mozas das parroquias. Eles, agora, están dispostos a abrir os seus corazóns e as súas vidas para acoller ao Señor. Cristo entra coa forza do Espírito para chegar ao máis profundo, para dialogar na amizade e transformar no amor.
3.- No marco da Xornada Mundial da Xuventude pedimos á Nosa Señora da Franqueira por este xoves, para que se integren na vida parroquial, se comprometan a asumir as promesas bautismais e a vivir como bos cristiáns.
Nosa Señora da Franqueira axuda aos xoves a seren acolledores do Señor coa mesma disponibilidade que o fas ti.
Feliz día
Javier Alonso
A Franqueira
29-07-16
No hay comentarios:
Publicar un comentario