Resplandeces Señor , non coma lóstrego, que cega e desaparece, senón, coma luz que ilumina, serena, discreta. Luz que alumea e quece, descubre os rostros, os de cada un e o teu: rostro resucitado. Luz, anbrente de vida que nunca esmorece. Luz aberta, infinda, sen lindes nin cancelas. Luz que guía, faro das vidas. Luz que nutres, pois sin ela morremos. Luz, Señor, a luz do domingo resucitado.
Palabra que irrumpe no silencio da noite e continua co triar dos paxariños no amencer. Palabra, historia, encontro,. Palabra que destrúe a tristura. Palabra que é anuncio. Palabra que é a convicción de que ti es o diálogo do creador coas creaturas, do Noso Pai cos fillos. Palabra.
Auga refrescante, limpa, transparente e purificadora. Auga que discurre nutrindo de vitalidade. Auga, nacemento, vida nova, beleza e alegría.
Pan e viño para o camiño, Corpo e Sangue do peregrino. Alianza e selo, sentados á mesa do Reino, cantos de Pascua pois estamos certo, Cristo descubrese resucitado no partir o Alimento.
Pascua, vida e resurrección. Pascua fraternidade de amor.
Nosa Señora da Franqueira, ledicia do Resucitado.
Feliz Pascua de Resurrección
A Franqueira
05-04-15
Javier Alonso
No hay comentarios:
Publicar un comentario