SANTIAGO APÓSTOLO

Amigo do Señor.

Así lle chamamos ao patrón das nosas terras, que, alentado polo impulso do Espírito cheo ata a fin do mundo anunciando a Boa Nova. Nesta fe apostólica estamos edificados. Na amizade de quen foi chamado a ser pescador de homes. Do que escoitou as verbas de Salvación, quen contemplou as accións do Reino. En quen foi testemuño dos momentos máis íntimos do Señor, a resurrección da filla de Xairo, a Transfiguración ou a oración na horta das Oliveiras. Santiago, pais de peregrinos, que encamiña nas estrelas do ceo e guía o noso camiñar cara ao Sol invicto Cristo Resucitado, o que nunca se deita e non fenece, senón que alumea coa luz da Vida.

Apóstolo Santiago, roga por nós.

Hoxe celebra o seu santo patrón a parroquia de Prado da Canda coa Misa ás 12,15 da mañá e a procesión.

Na Franqueira as Misas son ás 11 da mañá e ás 5 da tarde

Feliz día

Xabier Alonso

A Franqueira

25/07-17