AS PASCUILLAS: CREATIVIDADE DO ESPÍRITO. PIEDADE POPULAR, MANIFESTACIÓN DO POBO DE DEUS

 

AS PASCUILLAS: CREATIVIDADE DO ESPÍRITO

PIEDADE POPULAR, MANIFESTACIÓN DO POBO DE DEUS

Somos testemuñas da acción creativa do Espírito na Piedade Popular. Descubrimos que, deixadas de lado intencionalidades non adecuadas como o gasto desaforado, os protagonismos desordenados, a búsqueda de personalismos, a descentralidade da fe, ou o barroquismos exterior sen fundamientación interior, vemos como a Piedade Popular impulsa unha creatividade do corazón e da caridade. Vexo como na Romaría van medrando e facéndose palpables as manifestacións de amor á Virxe María a través das imaxes renovando o seu axuar de festa, a decoración floral que é unha exposición a toda regla de beleza natural, as oracións que se compoñen para a ocasión, os poemas e cantos, uns recuperados de coplas e cancións orixinais. Ninguén sente rubor a porse diante dos demáis e cantar a pleno pulmón ou ler un poema. Caso aparte sempre merece a ofrenda que cada ano fai unha parroquia que sempre sorprende por ser a orixinalidade da comunidade, con símbolos sempre renovados e o orgullo de parroquia que se pon diante de milleiros de peregrinos. 

Este pequeno esbozo faime pensar varias cousas:

1.- A necesidade de acompañar esta vitalidade, que nunhas parroquias pequenas da mostra de como conserva o desexo de seguir mantendo a fe e de vivilo nun día tan especial.

2.- Acompañar para discernir a presenza do Espírito na Piedade e facer desta un lugar vital de transmisión da fe aos máis novos, eliminando claro está, todo vestixio de superstición ou desatino.

3.- Facer da Romaría un tema transversal na vida das parroquias que peregrinan podendo estar presnetes nas diversas actividades que se desenvolven no Santuario ao longo do ano. É ben certo que moitas persoas pasan durante o ano onda a Nosa Señora

4.- Impulsar a dimensión caritativa social como xermolo e levadura do Evanxeo do Reino na sociedade, canalizando na realidade na que estamos a vivir o que é unha responsta da Igrexa ante os problemas sociais.

5.- Preservar de que a Piedade Popular pertence ao Pobo de Deus, e como tal, debe conservar a súa esencia de ser unha expresión de fe.

Como María fai do Magníficat un canto de loanza, así os seus fillos e fillas recoller o sentir do mundo e das epseranzas da xentes e ponnas diante do Señor. Descubrir como o Espírito nos fai rezar.